Gaursan langile adituak eta azken teknologiadun baliabideak jartzen ditugu zure eskura, ibilgailuaren mantentze- eta konponketa-lanak baldintza onenetan burutu daitezen beti eta berriz ere zure autoaz gozatzera lehenbailehen itzul zaitezen.
Mantentze-zerbitzu azkarra
Gure lantegiek Zerbitzu Azkarra eskaintzen dute mantentze- eta higadura-lanetarako: olioaren, iragazkien, motelgailuen, pneumatikoen, baterien, diskoen eta balazta-pastillen aldaketa, etab.
Berrikuntzaren ildotik, gure prozesuen etengabeko hobekuntzan eta eguneraketan lanean dihardugu, esku-hartze ezin hobeak bermatze aldera.
Etengabeko ordutegi zabala eskaintzen dizugu goizeko 08:00etatik arratsaldeko 19:00etara astelehenetik ostiralera, eta goizeko 09:00etatik eguerdiko 13:00era larunbatetan, zure beharretara egokitu ahal izateko eta agendan tarte bat egitea zeinen zaila izaten den badakigulako.
Gainera, garbiketa-instalazio propioak ere baditugu. Gure helburuetako bat da zure autoa berria izatearen irudipena izan dezazula da.
Mekanika
Baliabide tekniko aurreratuenak ditugu. Gure azken belaunaldiko diagnosi-ekipoei esker, zure matxuraren jatorria aurkitu eta ahalik eta azkarren konpontzeko aukera dugu.
Burutzen ditugun esku-hartze mekaniko guztiek automobilgintzaren munduko azken teknologietan prestakuntza duen talde tekniko baten bermea dute, zure ibilgailuarentzat aukerarik egokiena gomendatzeko gai den taldea alegia.
Halaber, gurekin lankidetzan aritzen diren hornitzaile ugariei esker, zure beharren araberako hainbat aurrekontu eskaintzeko aukera dugu, zure ibilgailuaren adinaren edota markaren arabera.
Karrozeria
Orotariko esku-hartzeak burutzen ditugu karrozerian: kolpeak, hausturak, beiren konponketa edota aldaketa, etab. Gainera, zure ibilgailua azkeneko berrikuntzen laguntzarekin margotuko dugu, esaterako: ur-margoa, Quad lehortze-sistema berria eta pantaila endotermikoak.
Hainbat motatako bankadak eta neurketa-sistemak ditugu karrozerien txasisetako deformazioak zuzentzeko. Material plastikoak zein hainbat markek erabiltzen dituzten aluminiozko piezak lantzen ditugu.
Halaber, kabinak eta eremu azkarrak ere baditugu kalte arinak 24 ordutan konpondu ahal izateko. Lehen mailako margo-hornitzaileekin lan egiten dugu, betiere kalitate handiko materialekin. Gure enpresak ingurumenarekiko ardura du, horregatik erabiltzen ditugu disolbatzailerik gabeko ur-oinarria duten margoak.
PRO+ zentroa
Badakigu enpresek eta autonomoek arreta berezia behar dutela eta horregatik egiten dugu beren beharretara egokitzeko ahalegina, beren ibilgailuen esku-hartze denbora ahalik eta laburrena izan dadin eta, ordutegiei dagokienez, eskuragarritasun-arazorik izan ez dezaten (astelehenetik ostiralera etengabe zabalik gaude 08:00etatik 19:00etara eta larunbatetan, 09:00etatik 13:00ara).
Tamaina eta pisu handiko ibilgailuetarako prestatuta dauden instalazioak ditugu.
Gainera, antzeko ibilgailu bat orduka alokatzeko aukera eskaintzen dugu, PRO+ bezeroei zuzendutako tarifa esklusibo batekin, eguneroko lanekin aurrera jarrai dezazun.
Auto elektrikoen lantegia
Gure lantegiak mota honetako ibilgailuetan lanean aritzeko egiaztatuta eta baimenduta daude eta zure ibilgailu elektrikoaren behar guztiei erantzuteko beharrezko elementu guztiak dituzte. Zerbitzu integrala eskaintzen dugu: mantentze azkarreko zerbitzua, mekanika eta karrozeria.
Eremu espezifikoak ditugu orotariko ibilgailu elektrikoen konponketak burutzeko prestatuak eta gure langileek teknologia honen inguruko prestakuntza dute, tentsio handiko gailuekin lan egiteko beharrezkoak diren babes-sistemak izateaz gain.
Gainera, gure instalazioetan bateriak kargatzeko hainbat puntu ditugu, zure ibilgailua bilatzera zatozenean %100ean kargatuta aurki dezazun.
